U zemju latinsku kad je parti dida
Zlamena se Bogu na voju se prida,
Pustija je meje, zaplaka kraj zida
U zemju latinsku kad je parti dida.

Ko zna ča je tislo bodula u svita
More li bez loze igdi boje bit
Je li mu još fale briškula i zog
I cvrčak s rogača, ča sviri ka' Bog.

Ure s kampanela stale su od bola,
Cila ga je vala pratila do mola
Nevoja je bila, još se pripovida,
U zemju latinsku kad je parti dida.

Grumen svete zemje na domaćen vitru,
Vridi li to minjat za vražju salitru?
Tri je puta vapor trumbeton zarida
U zemju latinsku kad je parti dida

Zač je pusti koze, maslinu i smrić,
Mrižu, brod i klape, našu dobru rič?
Je li mu još fale briškula i zog
I cvrčak s rogača, ča sviri ka' Bog.

Zač je mora dida, zač je mora  ić?
Zač je mora dida, priko mora ić?
Zač je mora ić?